الجيش السيراليوني يهدد باجتياج الجزائر
جنرال منشق عن الجيش السيراليوني 🇸🇱 يهدد بإجتياح الجزائر 🇩🇿 ////////بقلم✍️ المحلل السياسي والأمني: الحاج ابراهيم ماصيطا
ربما يبانلك الخبر من عنوانو انو نكتة للضحك لكن هذا الخبر هو حقيقة لتصريح جنرال من الجيش السيراليوني (دولة سيراليون 🇸🇱) الواقعة غرب افريقيا جاية تحت غينيا وراهي غير بحذا ليبيريا وكوت ديفوار وخاوتها
🔴واش حكاية هذا الجنرال ⁉️
هذا الجنرال لهدد الجزائر اسمو " عصمان تامارا " يبلغ من العمر 22 سنة وهو ابن وزير الدفاع السيراليوني الاسبق " ابراهيما تامارا " و هذا الجنرال المينور لهدد الجزائر دخل لارمي عندو عامين برك برتبة عقيد من نهار الاول وهذا تكريم لباباه، ومن بعد الجنرال هذا راح فاكونص لفرنسا وثما قالك وقع في حب فتاة جزائرية 😍 وتقدم للزواج منها وطاحلها خشين وقالها راني جنرال في الجيش السيراليوني ايا هي قاتلو وين جات سيراليون هذي ⁉️ شغل بريزاتو وقعدت تضحك شغل ولات تڨمبر بيه يرتو كي قالها نقمتي تامارا راكم تعرفو المصطلح هذا على يطلق في البلاد ..
الجنرال هذا "عصمان تامارا" غاضاتو وقالك كفاه الجزائريين ميعرفوش بلادي وين جات مالا ضرك نعلن عليهم الحرب ونحتلهم وايا هو من نيتو حكاها لوزبر الدفاع الحالي تاع الجيش السيراليون وكي فاق بلي الجنرال تامارا مهبول ومراهق رايح يدخل سيراليون في حيط قالو: اسمع يا تريقل روحك يا نديرلك ليزاري "الحبس..
تامارا بقات غايضاتو ايا لم صحابو و انشقو عن الجيش السيراليوني و أسسو ميليشيا من 26 عسكري واطلقو عليها اسم" الصاعقة " و عتاد تاعهم 3سيارات ستايشن و كل واحد كلاشينكوف و افاميست فوق ستايشن وقالك دارو بيان في قروب مسنجر تاعهم طلبو فيه دعم فرنسا 🇫🇷 وزادو فتحو ريكريتمو "التجنيد"
وضرك راهم واصلين لـ 32 واحد بعد شهرين من فتح ابواب التجنيد مع العلم ان سيراليون مدولة افريقية تمتلك 12 دبابة و 4طائرات هيليكوبتر و 40 عربة مصفحة و 2 مدافع الخبر حقيقة نقلته بطريقة ساخرة فقط